Gənc Tamaşaçılar Teatrında İncəsənət festivalı keçirildi

Elm və Təhsil üzrə Dövlət Agentliyinin SABAH qrupları layihəsi çərçivəsində Gənc Tamaşaçılar Teatrında İncəsənət festivalı keçirildi. 

2 iyun 2025-ci il tarixində tədbir iştirakçıları öncə “SABAH” məzunlarının nailiyyətlərini əks etdirən sərgi ilə tanış oldular.

Tədbir Dövlət Himninin səsləndirilməsi ilə başladı.

Ardınca isə “SABAH”ın uğurlu məzunları ilə bağlı videoçarx nümayiş etdirildi.

Tədbirdə hər il təkrarlanan ənənə – rəmzi “SABAH” açarının hazırkı məzunlardan növbəti ilin məzunlarına ötürülməsi mərasimi də keçirildi.

Daha sonra yüksək göstəriciləri ilə fərqlənən məzunlar təltif olundular.

Qeyd edək ki, mərasimdə dövlət və özəl qurumların rəsmiləri, Əməkdar müəllim, Üzeyir Hacıbəyli adına Bakı Musiqi Akademiyasının Tədris işləri üzrə prorektoru, professor Nərminə Quliyeva, ali təhsil müəssisələrinin rektorları və tələbələr iştirak etmişlər.

Tədbir çərçivəsində Bakı Musiqi Akademiyasının “SABAH” qruplarının tələbələri konsert proqramını təqdim etdilər. Səhnədə Fortepiano ansamblı, İnstrumental ansambllar, Xor kollektivləri uğurla çıxış etdilər.

Mərasimin sonunda “SABAH” qruplarının himni səsləndirilib, xatirə fotosu çəkdirildi.