Türkiyəli deputat: Azərbaycan regional sabitliyin açarıdır

Bakı regional sabitlikdə əsas rol oynayır. Torpaqların 30 ilə yaxın ədalətsiz işğaldan azad edilməsi, ərazi bütövlüyünün təmin edilməsi təkcə Azərbaycan üçün deyil, bütün region üçün mühüm addımdır. İşğaldan azad edilmiş ərazilərdə aparılan genişmiqyaslı bərpa işləri böyük müsbət dəyişikliklərə səbəb olmuşdur.

Bunu Türkiyə Böyük Millət Məclisinin (TBMM) üzvü Əbdülkadir Emin Önen Bakıda keçirilən Asiya Parlament Assambleyasının 15-ci plenar iclasında çıxışı zamanı deyib.

Onun sözlərinə görə, Azərbaycan və Ermənistan arasında sülh danışıqlarının ədalətli və davamlı nəticəsi təkcə bu iki ölkə üçün deyil, həm də bütün regionda sabitliyin və rifahın möhkəmlənməsi üçün vacibdir. Abdulkadir Emin Önen Ankaranın Bakını hər zaman dəstəklədiyini və bundan sonra da dəstəkləyəcəyini vurğulayıb.

Asiyanın zəngin mədəni müxtəlifliyinə toxunan türkiyəli deputat bildirib ki, qitə bəşəriyyətin ən böyük və ən qədim məskəni olsa da, bəzi problemlərə görə öz potensialını tam reallaşdıra bilmir.

Millət vəkilinin fikrincə, Asiyanın hazırkı sərvətinin çiçəklənməyə səbəb olması üçün birgə fəaliyyət lazımdır. Əməkdaşlıq və həmrəylik sayəsində daha yüksək inkişaf səviyyəsinə nail olmaq olar. Buna nail olmaq üçün çoxtərəfli və qabaqcıl əməkdaşlıq mexanizmləri yaratmaq lazımdır.

“İkitərəfli münasibətlərin möhkəmləndirilməsi vacibdir, lakin çoxformatlı əməkdaşlıq bundan da vacibdir. Çoxtərəfli əməkdaşlığın gücləndirilməsi regionda uzunmüddətli sülhün, sabitliyin və inkişafın bərqərar olmasında böyük rol oynayır”, - deyə MŞ Ali Şurasının üzvü qeyd edib.