Firuz Mustafa:

İki od arasında...

...Tramp gözlənilməz hərəkətləri ilə dünyanı heyrətləndirir. Elə Zelenski də az təəccübləndirmir. Hər ikisi şoumendir. Hər ikisində artistizm qabiliyyəti yüksəkdir. Hər ikisi rolunu kifayət qədər peşəkar oynayır. Əlbəttə, incəsənət estetikasını siyasət platformasına gətirməyi hər kəs, yəni hər aktyor uğurla bacara bilməz. Bunun üçün xüsusi qabiliyyət lazımdır. Bu cəhətdən Reyqanı xatırla(t)maq olar...

Bilirəm, Trampı ittiham edənlər çoxdur. Niyə dünən dediyini bu gün inkar edir, niyə qonşu dövlətlərin işinə qarışır, niyə verdiyi vədlərə əməl etmir və sair... Belə hesab edirəm ki, Tramp siyasət alətinin bütün “simlərində” çalmağı bacarır və yaxud buna çalışır. Axı adamların, yalnız bir “simdə” ifa olunan mahnını dinləmək hövsələsi yoxdur və buna görə də hər adamın sümüyünə düşəcək havaları müxtəlif “simlərdə” çalmaqzərurəti yaranır. İndiki dövrün musiqisi polifonik-çoxsəsli olmalıdır.

Görünür, siyasətin də öz “musiqisi”, öz “havası” var. Burada klassik anlamda mövcud olan iki lad, yəni major və minor kifayət etmir...

Zənn edirəm ki, Zelenski ilə Tramp zamanın havasını eyni orkestrdə ifa edirlər, özü də oxşar ladda... Putin üçün improvizə havalar hələ irəlidədir. O, hələlik yarımtondadır, özü də xromatik yarımtonla diatonik yarımton arasında gəzişmələr edir.

...Sözün qısası, belə hesab edirəm ki, Yer üzündə ilahi ədalət deyilən bir güc də var.

* * *

Azər Firidunoğlu

Allah Ukraynaya məğlubiyyət qismət etməsin...ağ ayıların qabağında dura bilmərik

Konul Qoca

Nə edirlər etsinlèr Ukraynanın torpaqları qayıtsın.

Murshud Qadir

Şeytanın papış tikənləri

Zakir Gasimov

Ukrayna artıq uduzub. Bunu başa düşmək belə çətindir?

Фируз Мустафа

Məlum rus-Ukrayna savaşında ruslara bəraət vermək, "ruslar haqlıdır" demək, ermənilərin təcavüzünə haqq qazandırmaq kimi bir nəsnədir.

Ильгар Новрузов

Mənə elə gəlir ki,Tramp qəsdən publika üçün,bu tip şou xarakterli çıxışlar edir,amma pərdə arxasında hər şey müsbət atmosferdə olacaq və Ukraynaya yardımlar əvvəlki kimi davam edəcək.

Агабаба Абулгасанов

Sovetlər dağılandan sonra Ukraynanın əlindən atom silahını alıb təhlükəsizliyinə təminat verərək vədlərinə əməl etməyən güclər bu gün də ondan Rusiyanı zəiflətmək üçün istifadə edirlər. Tramp da onların biridir. Necə deyərlər keçi can hayında, qəssab piy axtarır. Bu zırhazırda zalım oğlu Ukraynanın mineral resurslarına göz dikib. Riyakarlığın zirvəsi...

Азим Джабаров

Məncə Trampın Putinlə davası bundan xeyli güclü olacaq.Ancaq onu canlı verməyəcəklər yəqin.Reyqan aktyor olsa da elə də böyük uğurları olmayıb.Yalnız Hollivudun vətəni olan Kaliforniyanın qubernatoru seçilib.Reyqan özü prezident olmağı qərara alıb.Zelenski isə siyasətçi olmadan ən yüksək reytinqə malik olduğu üçün xalqdan gələn çağırışı qəbul edib.

QEYD. Başlıqlar "Facebook" sosial şəbəkəsindəki başlıqla eynilik təşkil edir.