Misir Səfirliyinin Mədəniyyət və Təhsil Əlaqələri Mərkəzində "HÜSNÜNƏ AŞİQ " adlı qrup sərgisi keçirildi

17.04.2025-ci il  tarixində Misir Səfirliyinin Mədəniyyət və Təhsil Əlaqələri Mərkəzində "Hüsnünə Aşiq " xətt sənəti üzrə qrup sərgisi keçirilmişdir.

Sərgidə iştirakçıların Ərəb dilində olan əl işləri nümayiş etdirildi. Tədbirin açılışını edən Mərkəzin müdiri Prof.Dr.Tarek Mohammad qonaqları salamladı və iştirakçıların Quran ayələrini belə möhtəşəm xətt sənəti ilə işlənməsindən təəccübləndiyini bir daha qeyd etdi.

Daha sonra çıxış edən tədbirin təşkilatçısı Sahilə Rəxdari Azərbaycanda bu sahədə əl işləri olan xanımları bir araya yığaraq belə bir tədbir təşkil etdiyi üçün çox məmnun olduğunu bildirdi və tədbirin keçirilməsi üçün şərait yaratdığı üçün Dr.Tarekə təşəkkürünü bildirdi. Sərgidə iştirakçılar arasında Turan İlham, Vüsalə Qasimova, Fatimə Babazadə, Vüsalə Osmanova, Günel Quliyeva, Aytən Əliyeva, Səidə Mirsalamova, Şükufə Qədimova və Rəna Paşazadə yer almışdı.

Tədbirdə iştirak edən 44 günlük Vətən müharibəsi şəhidləri Qarabağ ordenli baş leytenant Nəcəfov Cəmilin, baş gizir kəşfiyyatçı Abdurəhmanli Sübhanın və Zeynalov Bəhruzun anaları çıxış edərək belə bir gözəl tədbirə dəvət olunduqları üçün Mərkəzin müdiri və Sahilə xanıma təşəkkür etdilər. 

Təşkil olunan möhtəşəm tədbirdə unudulmaz və anlamlı anlar yaşandı.

Fotomüxbir Mahir Əhmədov