Bakıda minifutbol üzrə dünya çempionatının qrup mərhələsinə yekun vurulub

Bakıda minifutbol üzrə dünya çempionatının qrup mərhələsinin oyunları başa çatıb.

Mərhələnin 3-cü turunun ikinci günündə səkkiz qarşılaşma baş tutub.

Görüşlər Milli Gimnastika Arenasında baş tutub.

E qrupunda Monteneqro komandası İndoneziyaya 4:0 hesabı ilə qalib gəlib. Qrupun digər oyununda Tailand Kosta Rikanı 4:1 hesabı ilə məğlub edib. Beləliklə, bu qrupda Monteneqro və Tailand komandaları 1/8 finala yüksəlib.

E qrupu

1. Monteneqro - 7 xal

2. Tayland - 7 xal

3. İndoneziya - 3 xal

4. Kosta Rika - 0 xal

F qrupunda Polşa - Bosniya və Herseqovina matçında qalib müəyyənləşməyib - 1:1. Qazaxıstan ABŞ-a 5:3 hesabı ilə qalib gəlib. Bu qrupdan Polşa və Bosniya və Herseqovina növbəti mərhələyə yüksəlib.

F qrupu

1. Bosniya və Herseqovina - 5 xal

2. Polşa - 5 xal

3. Qazaxıstan - 4 xal

4. ABŞ - 1 xal

Heç-heçə edən (2:2) Çexiya və Gürcüstan komandaları G qrupunda ilk iki yeri tutaraq 1/8 finala yüksəlib. BƏƏ Argentinaya 4:1 hesabı ilə qalib gəlsə də, hər iki komanda turnirdən kənarlaşdırılıb.

G qrupu

1. Çexiya - 7 xal

2. Gürcüstan - 7 xal

3. BƏƏ - 3 xal

4. Argentina - 0 xal

H qrupunda Serbiya Qana üzərində 2:1 hesabı ilə qalib gələrək qrupda birinci yeri təmin edib. İspaniyaya qalib gələn (4:2) İsrail qrupda ikinci yerdən növbəti mərhələyə yüksəlib.

H qrupu

1. Serbiya - 9 xal

2. İsrail - 6 xal

3. İspaniya - 3 xal

4. Qana - 0 xal

Qeyd edək ki, 1/8 finalın oyunlarına sabah start verilir.