Elcan Hacıyev dünya çempionatında üçüncü olub 

Macarıstanın paytaxtı Budapeştdə kişi və qadınlar arasında cüdo üzrə keçirilən və Azərbaycan təmsilçilərinin də qatıldığı dünya çempionatı davam edir. Qeyd edək ki, ilk üç günündən fərqli olaraq dördüncü günü yığmamız üçün uğurlu olan mundialın bu günə təsadüf edən beşinci günü də yadda qalan olub. Belə ki, DC-nin  beşinci günü mübarizəyə qatılan və 90 kq çəkidə mübarizə aparan iki cudocumuzdan biri daha yaxşı çıxış edərək mükafatçılar sırasında yer alıb. Söhbət təsnifat mərhələsində azad olan və mübarizəyə 1/16 finaldan başlayan Elcan Hacıyevdən gedir. İlk görüşdə Özbəkistan idmançısı Nurbek Murtuzoyevi mübarizədən kənarlaşdıran cüdoçumuz 1/8 finalda Çin təmsilçisi Pen Yu Çünki, ardından isə çexiyalı Adam Konetskini üstələyərək yarımfinala yüksəlib. Təəssüflər olsun ki, cüdoçumuz finala çıxışda yaponiyalı Qoki Tacimeyə uduzaraq çempionluq şansını itirib. Nəticədə o, Estoniya təmsilçisi Klena Kaliblaydanla bürünc medal uğrunda görüşə çıxıb. Bu görüşdə qalib gələn Elcan mundialin bürünc əyarlı.edalina layiq görülüb. 

Təəssüflər olsun ki, Elcanla eyni gündə və eyni çəkidə mübarizəyə qatılan digər təmsilçilərimiz - Vüqar Talıbovsa elə ilk görüşdəcə məqlubiyyətlə üzləşərək çıxışını erkən başa vurub. 

Beləliklə, Azərbaycan mundialda geridə qalan beş gündən sonra aktivinə iki bürünc medal yazdırıb. İlk bürünc medal Zelim Tckayevin (81 kq) aktivinə yazılıb.

Yeri gəlmişkən, mundialın 6-ci günündə isə daha bir təmsilçimiz - Paris Olimpiadasının qalibi Zelim Kotsayev (100 kq) mübarizəyə qatılacaq.

Mundiala iyunun 20-də qarışıq komanda yarışı ilə yekun vurulacaq. 

İNTİQAM Məmmədov