"Su və Rəng Ahəngi - 2025" Azərbaycan akvarelinin 5-ci yubiley sərgisi uğurla baş tutdu+FOTO=25

7 dekabr 2025-ci il tarixində IWS Globe Art Network – Beynəlxalq Akvarel Cəmiyyətinin IWS Azerbaijan nümayəndəliyi tərəfindən təşkil olunan Su və Rəng Ahəngi 2025 sərgisi böyük uğurla baş tutdu. Bu il sərgi öz 5-ci yubileyini qeyd edir və Azərbaycan akvarel sənətinin zənginliyini, həm peşəkar, həm də gənc istedadlı rəssamların yaradıcılığını nümayiş etdirir.

Sərgi gününə prezentasiya ilə start verildi, burada IWS Azerbaijan nümayəndəliyinin fəaliyyəti və icmanın uğurları tamaşaçılara təqdim olundu. Ardınca hörmətli qonaqlar və sərginin jüri üzvləri çıxış edərək iştirakçıları təbrik etdilər, onların yaradıcılığını yüksək qiymətləndirdilər. Sərginin təşkilində əməyi olanlara təşəkkürlər bildirildi, Leyla Khazary Art Gallery də öz dəstəyi üçün xüsusi qeyd olundu.

Sonda sərgidə iştirak edən rəssamlara sertifikatlar və üzvlük identifikasiya kartları təqdim edildi, bu, onların IWS Azərbaycan cəmiyyətində aktiv iştirakını təsdiqləyən sənəd oldu. Sərgi ziyarətçilərə unudulmaz anlar yaşatdı və Azərbaycan akvarel sənətinin inkişafına verdiyi töhfəni bir daha göstərdi.

IWS Azerbaijan nümayəndəliyi olaraq, dəstək göstərən hər kəsə səmimi təşəkkürümüzü bildiririk və Azərbaycan akvarel sənətinin inkişafına birlikdə töhfə verəcəyimizə inanırıq.

Fotolar: Mahir Əhmədov

-bu reportajda olan fotoları sifariş ermək üçün
-eyni zamanda AZpress.AZ İnformasiya Agentliyinin XƏBƏR saytlarında REKLAM və REKLAM xarakterli məqalələrin yayımlanması üçün aşağıdakı mobil nömrə ilə əlaqə saxlaya bilərsiniz: 

+99450 554 34 23