İlqar Əlfioğlu:
Jurnalistlərin ciddi attestasiyasını keçirməyə böyük ehtiyac var
Mətbuat Şurasının jurnalistləri, saytları məsuliyyətli olmağa çağıran müraciətini oxudum. Vacib müraciətdi. Amma, ataların sözü var: dua ilə donuz darıdan çıxmaz. Donuzun darıdan çıxması üçün mütləq ona dəyənək göstərilməlidi.
Bu yazımı "azadlığın, demokratiyanın boğulmasına" çağırış kimi qəbul etməyin, çünki hər kəsin azadlığı başqasının haqqına toxunana qədərdi və toxunursansa, artıq azadlıq başıpozuqluğa, xaosa çevrilir, bulanıq suda balıq tutmağa çalışanlar üçün münbit şərait yaradır.
Mövcud vəziyyəti düzəltmək üçün xeyli iş görməyə ehtiyac var.
Əvvəla, Mətbuat və Yayım Şuralarının səlahiyyətlərinin gənişləndirilməsi məqsədilə yeni normativ sənədlərin hazırlanması üçün Prezident Administrasiyasına, Milli Məclisə məktub ünvanlanmalıdır. Zəhmət çəkib, həmin qurumların fəaliyyətlərinin keyfiyyətli təşkili üçün xüsusi mexanizmlər müəyyənləşdirsinlər.
Sizin qurumlarda isə mütləq sırf efiri, saytları, yazılı KİV-ləri, sosial şəbəkələri gündəlik monitorinq edəcək alt bölmələr yaradılmalıdı. İşə hətta könüllüləri də cəlb etmək olar. Toplanan materiallar həftəlik müzakirə olunmalı, yanlışlıqların (qərəzli-qərəzsiz) qarşısını alan qətiyyətli tədbirlər görülməlidir.
Jurnalistlərə paylanan sarı kartlar-filan, sizdəki və başqa qurumlardakı İctimai Şuralar özünü heç doğrultmur. Sırf sizin qurumlara isə deyə bilərəm ki, jurnalistlərin yenidən, ciddi attestasiyasını keçirməyə böyük ehtiyac var. Bunu, onların son iki ildə yazdıqları əsasında etmək olar.
Attestasiyasız insanları fəaliyyətə cəlb edərək, məqsədi cəmiyyəti yanıltmaq olan informasiyalar yayan saytlar ilk dəfə bir, növbəti dəfə iki aylığa, üçüncü dəfə isə həmişəlik qapadılmalıdı.
YouTube kimi xarici kollektorların məsuliyyətsiz paylaşımları üçün də nələrsə düşünülməlidi.
Bu təkliflərim hansı səbəbdənsə sizə yarımçıq görünə bilər, çünki bir neçə dəqiqəyə, impulsiv yazılıb.
Amma, vəziyyəti düzəltmək üçün ilkin qığılcıma bəs edir.
Qalanı sizin istəyinizdən asılıdı.
Azərbaycanda təcrübəli, bu laübalı, xaotik dünyada adını onilliklər ərzində qorumağa müvəffəq olmuş jurnalistlər, yazarlar var, inanıram ki, onların hər biri informasiya manipulyasına qarşıdır və mühitin sağlamlaşdırılması naminə sizinlə təmənnasız əməkdaşlığa məmnuniyyətlə gedər.
* * *
Baş verən cinayətə artiq istintaq aparmaq lazim deyil. Jurnalistlər açdılar sandiği tökdülər panbiği.
İlqar Əlfioğlu Sənətkar, indikilər jurnalistikadan başqa hər işlə məşğuldurlar.Hərə əlinə bir telefon alib jurnalistlik edir.Belə hara gedirik?
Mùkafatlar, medallar paylayanda ancaq gəncləri nəzərdə tutdular, bu mŏtəbər işdə illərlə gŏzůnůn nurunu itirənlər yada důşmədi.Adları siyahidə ŏndə olan eyni adamlar můkafatlandırılır,evlər alır,deputat olur.
Tamilla Rustamova, hərdən olur. Həmişə daha çox özünü gözə soxanlar-filan alır. Hərdən mənim kimi köhnələrə də verirlər. Mənə ötən il həm medal, həm də fəxri ad verdilər, intəhası adam paylaşmağa utanır. Hərənin bir xasiyyəti var da...
QEYD. Başlıqlar "Facebook" sosial şəbəkəsindəki başlıqla eynilik təşkil edir.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.