Şəmsəddin Əliyev:
Biləsən ki,gəlmişdim…
Sənin doğum günündə ziyarətinə gəlmişdim…47 il də ömrümüzdən belə köç edib didərgin düşdü…
Hər il noyabr ayının 18-i isə “şəhidlər ordusuna“qovuşduğun bir gündür....
Dövlət sərhədinin mühafizəsi ilə bağlı xidmətinin son günlərində mənə bir məktub da göndərmişdin…Aayrılığın addımları ürəyinə dammışdı,bəlkə də.
Mən isə sənin yazdıqlarını çox gec cavablandırmışdım.İllər yel kimi elə ötmüşdü ki…
Əzizim!
Mən,artıq son Peyğəmbərimizin ömrünü yaşamış insanlardanam…
Əgər Allah mənə bir az da ömür bəxş etsəydi, düşündüklərimi heç vaxt, heç kimə söyləməz və hər söylədiyimi də öncədən düşünüb danışardım. ..
Ətrafımda gördüklərimə və hər şeyə dəyər verərdim.
Daha çox səni yuxularda görmək üçün dərin röyalara dalardım…Əlimdə günəş boyda bir gül dəstəsi tutub səni qarşılayardım…Başqaları yatsın-deyə, səssiz-səmirsiz dolanar,onların təhlükəsizliyi naminə qaydaları qorumaq üçün oyaq qalardım…
Danışan hər kəsi dinləyərdim... Əgər Allah mənə bir qədər də imkan versəydi səni oxşayacaq ,sadə və səliqəli zövqünə uyğun geyinərdim.
Sonra,Uca Allahın dərgahına əl açıb,heç bilirsən nəyi diləyərdim?!
“Allahım, yer üzündə yaratdığın insanların qəlblərində yuva salmış bütün kin-kidurəti,nifrəti və düşmənçiliyi bir parça buzun üzərində yazıb,Səndən Günəşin çıxmasını istəyirəm,-fikrimi dilə gətirərdim.
Günəşin hərarəti yəqin ki,yazılanları buzla birlikdə əridib axan su ilə yox edəcəkdi…
İmkanım olsaydı Allahın ərməğan etdiyi, bir parça ömrümün kiçik bir anını belə sənsiz keçirməz, səni çox istədiyimi qapı-qapı düşüb bütün yer kürəsinə söyləmədən yatmazdım. ..
Allahdan özümüzə Mələklər ordusuna bəxş edilən qanad verməsini istərdim.Uça bilmək ixtiyarını da,yəqin ki,O bizə verərəcəkdi!(?)Daha yerdə yox,uzaq bir səmavi məkanda,xətadan,bəladan uzaq bir guşədə məskunlaşardıq…
Bu dünyadan və səndən sonra o qədər şey öyrəndim ki?!
Xoşbəxtliyi oğurluq və etibardan sui istifadə yolu ilə pul qazanmağa bərabər tutanları da çox gördüm…
Uşaq ikən hər dəfə ayaqlarını yerə basanda əllərimin sənə dayaq olacağını kövrək uşaq ağlınla anlayıb,məndən kənara çəkilməyə cürət etməzdin.Kaş bu gün də,sənə dəstək verəcəyimə inanaydın…inanaydın…
Bu həyatda səndən sonra öyrəndiklərimi heç kimə öyrədə bilmədiyimə çox heyifslənirəm….
Allaha sənin üçün hər dəfə dua etdiyimə davam edirəm.Deyirlər,-Allahın dua qapılarının bağlı vaxtı heç zaman olmur,yetər ki dualarını edəsən,mələklər ünvana çatdırır!
Kaş sənin son dəfə bu ocağın qapısından çıxdığın gün bir də təkrarlanaydı,sənə sarılıb buraxmazdım…səsini əbədiləşdirərdim….
Bizə daha gözəl işlər görmək üçün fürsət verən zamanların da sabahları olur. Amma bir İlahi həqiqət də var ki,bəzən sevdiklərinlə görüşməyə tələsərək hazırlaşdığın sabahlar bir anın içində qara günə dönür…
Bunları yazdım ki,biləsən əzizim…gəlmişdim…
3 fevral 2026-cı il.
* * *
Ruhu şad olsun! Sizə Allah can sağlığı, uzun ömür versin, inşallah, əziz və dəyərli Şəmsəddin müəllim!
Allahdan bu nakam gəncimizə rəhmət diləyirəm. Ruhu şad olsun.
Şəmsəddin müəllim, Allah sizə və əzizlərinə səbr versin.
ODA YAŞANAN ÖMRÜN ƏN YÜKSƏK ZİRVƏSİ - VƏTƏN SEVGİSİDİR DEDİ VƏ ŞƏHİDLİK ŞƏRBƏTİNİ İÇƏRƏK ZİRVƏYƏ UCALDI !
ALLAH RƏHMƏT ELƏSİN.
ALLAH rəhmət eləsin ruhu şad, məkanı cənnət olsun.
"Şamo " qardaşım Sizlərə səbr diləyirəm AMİN
ALLAH rəhmət eləsin ruhu şad olsun Vətən uğrunda can vermiziniz Şəmsəddin qardaşım ALLAH sizə səbr versin.
NUR İÇİNDƏ QIZILGÜL ƏTİRLİ GÜL BAĞÇASINDA UYUSUN.AMİN.
Şəmsəddin müəllim cox təsirləndim O, gözəl balanın ruhu şad, məkanı cənnət olsyn
Allah sizədə səbr versin Amin!
Allahdan Səbuhi qardaşımıza rəhmət, Sizə isə səbr diləyirik, dəyərli Şəmsəddin müəllim! Yazınız çox təsirli və ibrətamizdir. Kəlmələrinizdəki ağırlıq və həssaslıq düşünən insan qəlbini söküb, parçalayır.
QEYD. Başlıqlar "Facebook" sosial şəbəkəsindəki başlıqla eynilik təşkil edir.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.