"Qarabağ" Avrokubokla vidalaşıb 

Dünən gecə saatlarında futbol üzrə UEFA Çempionlar Liqasınin pley-off mərhələsinin cavab oyunlarına start verilib. Ölkəmizi Avropanın ən səviyyəli klub turnirində təmsil edən "Qarabaq" cavab oyunu çərçivəsində İngiltərədə yerli "Nyukasl Yunayted" klubunun qonağı olub. Qeyd edək ki, "Sent-Ceyms Park" stadionunda baş tutan və taleyi italiyalı referi Davide Massaya həvalə edilən oyunda nə möcüzə baş verməyib, nə də gözləniləntilər reallaşmayıb. Belə ki, bir həftə öncə Bakıda baş tutan ilk oyunda rəqibinə darmadağın hesabla (1:6) uduzan "Qarabağ"in mərhələ keçməsi üçün yalnız və yalnız möcüzə olmalıydı. Bu da baş vermədi və "köhlən atlar" "Qirata" dönə bilmədilər. Şükürlər olsun ki, "Qirata" dönə bilməyən "köhlən atlar" meydanı gözlənildiyi kimi böyük hesablı məğlubiyyətilə də tərk etməyib. 90 dəqiqlik mübarizə ev sahibinin minimal hesablı qələbəsi ilə başa çatıb - 3:2. İki oyunun ümumi nəticəsi isə - 9:3 rəqibin xeyrinə olub. Bu isə "Qarabağ" cari mövsümdə Avrokubokla vidalaşması ilə nəticələnib.

Oyuna gəlincə, Bakıda baş tutan ilk oyunda olduğu kimi, cavab matçında da "Qarabağ" qapısında erkən qol görüb. Matçın 4-cu dəqiqəsində Sandro Tonali hesabı açıb - 1:0. Bundan iki dəqiqə sonra isə Joelinton hesabı 2:0-a çatdırıb. İlk yarı Bakıdakı kimi 5:0 hesabla deyil, 2:0-la bitib. 

Matçın 50-ci dəqiqəsində "Qarabağ"in oyunçusu Kamilo Duran ingiltərəli qolkiper Aron Ramsdeyli məyus etməklə hesab arasındakı fərqi azalda bilib - 2:1. Təəssüflər olsun ki, bundan iki dəqiqə sonra ev sahiblərindən Sven Batman fərqi yenidən iki topa çatdırıb - 3:1.

Matçın 57-ci dəqiqəsində "Qarabağ" penaltı zərbəsi vurmaq və hesab arasındakı fərqi yenidən azaltmaq hüququ qazanır. Lakin Marko Yanukoviçin penaltı zərbəsini Aron Ramsdeyli geri qaytarıb. Qayıdan topa özünü hamıdan tez çatdıran Elvin Cəfərquliyev topu qapı toruna göndərə bilir - 3:2. Bu qoldan sonra daha da ümidlənən və məğlubiyyətdən canını qurtarmaq istəyən "Qarabağ" bundan artığını edə bilməyib. 

İNTİQAM Məmmədov