Tehran ABŞ-ni yeni hücumlar üçün bəhanə axtarmaqda ittiham edib

İran ABŞ prezidenti Donald Trampın Nətənz yaxınlığında yeni nüvə obyekti ilə bağlı iddialarını rədd edərək, onları İslam Respublikasına qarşı mümkün yeni hərbi təcavüzü haqlı çıxarmaq cəhdi adlandırıb.

Bunu İran Xarici İşlər Nazirliyinin sözçüsü Esmail Baqayi bildirib.

Daha əvvəl Donald Tramp ABŞ-nin Nətənz yaxınlığında yerləşdiyini iddia etdiyi İranın yeni nüvə obyektinə zərbə endirmək niyyətində olduğunu açıqlamışdı.

"İranın nüvə fəaliyyəti tamamilə MAQATE-nin təminatı altındadır. Vaşinqtonun heç bir nüvə fəaliyyətinin aparılmadığı Kolanq Qaz La dağına diqqət yetirməsi təcavüz, dağıdıcılıq və təxribat üçün uydurma bəhanədən başqa bir şey deyil", - deyə Bəqayi X sosial media platformasında yazıb.

Onun sözlərinə görə, ABŞ-ın təhdidləri "İranın elmi tərəqqisinə və texnoloji inkişafına qarşı dərin kök salmış düşmənçiliyi" nümayiş etdirir. İran Xarici İşlər Nazirliyinin sözçüsü həmçinin MAQATE-nin baş direktoru Rafael Qrossini bu cür açıqlamaları qiymətləndirməyə çağırıb.

ABŞ və İsrail 28 fevralda İrana qarşı hərbi əməliyyata başlayıblar. İyun ayında Vaşinqton və Tehran Livan da daxil olmaqla bütün cəbhələrdə hərbi əməliyyatların dərhal dayandırılmasını tələb edən anlaşma memorandumu imzalayıblar. Lakin 8 iyul gecəsi ABŞ Tehranı Hörmüz boğazı ətrafındakı vəziyyətlə bağlı əldə edilən razılaşmaları pozmaqda ittiham edərək İran ərazisinə genişmiqyaslı hücumları bərpa edib.