Azərbaycan Bakı Dəbilqəsinə heyəti müəyyənləşdirib

16-18 fevral günlərində Bakıda kişi və qadın cüdoçular arasında reytinq xarakterli "Böyük Dəbilqə" turniri keçiriləcək. Üç gün davam etməklə Milli Gimnastika Arenasında duzənlənəcək turnirdə ev sahibi kimi çıxış edəcək Azərbaycan komandasının heyəti müəyyənləşib. Azərbaycan Cüdo Federasiyasından verilən məlumata görə ölkəmiz sözügedən turnirdə 22-si kişi olmaqla 33 tatami ustası ilə qatılacaq.

Kişilərin yarışında ölkəmizi Balabəy Aqayev, Turan Bayramov, Əhməd Yusifov, Nazir Talıbov (hamısı 60 kq), Yaşar Nəcəfov, Kamran Süleymanov, Rəşad Elkiyev, İslam Rəhimov (hamısı 66 kq), Hidayət Heydərov, Rəşid Məmmədəliyev, Nurlan Osmanov, İbrahim Əliyev ( hamısı 73 kq), Səid Mollai, Zəlim Tskayev, Ömər Rəcəbli (hamısı 81 kq), Murad Fətiyev, Elcan Hacıyev, Vüqar Talıbov (hamısı 90 kq), Zəlim Kotsayev, Açar Baqirov (hər ikisi 100 kq), Uşanqi Kokuari, Kənan Nəsibov (hər ikisi +100 kq) tatami üzərinə çıxacaq.

Qadınların analoji turnirində isə Leyla və Könül Əliyevalar (hər ikisi 48 kq), Gültac Məmmədeliyeva, Aydan Vəliyeva, Xədicə Qədəşova ( hamısı 52 kq), Fidan Əlizadə, Aceliya Toprak (hər ikisi 57 kq), Aytac Qardaşxanli (63 kq), Südabə Aqayeva, Günel Həsənli ( hər ikisi 70 kq) və Nigar Süleymanova (+78 kq) mübarizə aparacaq.

Turnirin reqlamentinə görə, hər çəkidə ilk üç yeri tutan cüdoçu müvafiq olaraq 1000, 700 və 500 reytinq xalı qazanmış olacaq.

İNTİQAM Məmmədov