Şahmat

--------------

Reytinq cədvəlində Məmmədyarov 10, Rəcəbov 13 pillə geriləyib

Qadın şahmatçılarımızın mövqeləri isə yaxşılaşıb

FİDE (Beynəlxalq Şahmat Federasiyası) dünya şahmatçılarınin dekabrın 1-ə olan reytinq cədvəlini elan edib. Qeyd edək ki, ötən ay Montoneqronun Budve şəhərində kişi və qadınlar arasında şahmat üzrə keçirilən komandalararası Avropa çempionatının nəticələri yeni cədvəldə öz əksini tapıb. Kişi komandamız AÇ-da zəif çıxış etdiyi üçün şahmatçılarimiz mövqelərini itirməklə geriləyiblər. AÇ-da ikinci olan qadın komandamızin üzvləri isə Top-100-də yer almaqla mövqelərini yaxşılaşdırıblar.

Günay Məmmədzadə (2449) iki pillə irəliləməklə 27-ci olub. Ülviyyə Fətəliyeva (2384) 67-ci, Gövhər Beydullayeva (2374) 77-ci, Xanım Balacayeva (2350) 98-ci, Gülnar Məmmədova (2350) 99-cu yerdədir.

Qadınların reytinq cədvəlində ilk üç yeri müvafiq ardıcıllıqla Xoy İfan (Çin, 2632), Yu Vencjun (Çin, 2560) və hindistanlı Xampi Koneru (2554) tutur.

Kişilərimizə gəlincə, 10 pillə geriləyən Şəhriyar Məmmədyarov (2723) 26-ci, 13 pillə geriləyən Teymur Rəcəbov isə 27-ci yerə düşüb. Rauf Məmmədov (2651) 90, 45 pillə geriləyən Nicat Abbasov (2641) isə 98-ci olub.

Kişilərin analoji cədvəlində isə ilk pillədə norveçli Maqnus Karlsen (2830), Fabiano Karuano (2794) və Xikaru Nakamura (2788, hər ikisi ABŞ) yer alıb.

İNTİQAM Məmmədov