Elman Eldaroğlu: 

Canlara dəyən adam...

Beş yaşınadək keçmiş “Sovetski”də- “Həmşəri palanı” küçəsində, 7 kvadrat-metrlik bir evdə böyüyüb. Sonra yeni mənzilə köçüblər. Daha sonra orta məktəb, institut, əsgərlik, bədii yaradıcılıq, televiziya və “Dalğa” verilişi. Onu Azərbaycana tanıdan da elə “Dalğa” oldu…

Deyir ki,- “Səmimi bir etiraf edim: atamın mənim üçün kim olduğunu hələ tamamilə dəqiqləşdirə bilməmişəm. Hətta həyatımda oynadığı rolu da. Bilirəm ki, məndə nə varsa, hamısı atamdandır. Amma nə vaxt verib, necə verib, hansı mexanizmlə verib, bilmirəm”...

Nurəddin Muğanlı:

Ruhuna, qələminə eşq olsun, Elman bəy, ürəyinə sağlıq. Haqlısan, İlqar Əlfioğlu doğrudan da canalara dəyən KİŞİDİR!

 

Mirmahmud Mirəlioğlu:

TƏBRİKLƏR, DALĞA yaradan, ÖZÜ OLan SÖZ ADAM!

TƏŞƏKKÜRLƏR, unudulmayacaq gedişlər müəllifi Elman Bəy!

ALLAH bir - birini Qoruyanları QORUYACAQ!

EŞQ OLsun 

 

Tapdıq Əlibəyli:

Sözü üzünü ağ edən Söz Adamı, dəyərli aydınımızın, dostumuzun ömür təqviminin yeni ili qutlu olsun! Dəyərli Eldar bəy, var olun!

 

Etibar Bennayev:

Təbrik edirəm sağlam həyat arzulayıram. İlqar müəllimi şəxsən tanımıram amma həmişə simpatiyam olub, efirdə görəndə elə bil doğma adamı görürdüm, birdə üz-gözündən hiss olunurdu ki, adamdı, özüdə insan adam.Uğurlar

 

Rəfael Həbiboğlu:

Təbriklər, İlqar bəy!

69-u 96-ya çevirənəcən yaşa,

-ə çatmağa qalan o 4 ilin də

haqqında bir şey fikirləşər Allah baba!..

 

Terane Memmed:

İlqar haqda nə qədər xoş söz deyilsə azdır!

Həmkarım, tələbə yoldaşım, həmyerlim və qohumum İlqar Əlfioğluyla həmişə qürur duyuram!

QEYD. Sarı fonda verilən başlıqlar "Facebook" sosial şəbəkəsindəki başlıqla eynilik təşkil edir.

Nikbin, məğrur, zəmanəylə ayaqlaşan, ətrafında cəryan edən hadisələrə həssas, səbrsiz insandır. Gördüyü iş ürəyincə olmayanda, ideyaları tükənəndə, bəzən dünyadan bezir. Amma böyük işlər görmək həvəsi heç zaman onu tərk etmir. Gözlərində qəribə bir kədər var. Keçmişin acı xatirələri onu heç vaxt rahat buraxmır. Odur ki, güləndə sanki ürəkdən gülmür…

Atası Əlfi Qasımov əslən Ağdam rayonunun Poladlı kəndindən olub. Azərbaycanın tanınan yazıçılarından biri idi. Eyni zamanda jurnalist, publisist və tərcüməçi kimi yaddaşlarda qalıb...

Yüksək intuisiya, hissetmə qabiliyyətinə malikdir. Bəzən həmsöhbətini gipnoz etməyi bacarır. Qəribə xasiyyətləri çoxdur. Həzin musiqi səsindən, şam işığından, tənhalıqdan ilhamlana bilir. 

Mübariz, haqsızlığa qarşı amansızdır. Yanında kiminsə haqqı tapdalananda sərt reaksiya verir. Buna görə də bəziləri onu acıdil adam kimi tanıyırlar. Heç zaman ruh düşkünlüyünə mübtəla olmur. Əksinə, çətinliklə üzləşəndə daha əzmkar, daha döyüşkən olur. Sadə geyinməyi xoşlayır. Onun üçün insanların libası yox, daxili keyfiyyətləri əsasdır…

Deyir ki,- “Ömrüm 20 yaşına qədər acı bağırsaq kimi uzanırdı. 20-60 arası isə heç bilmədim necə keçdi. İndi hər günümü dəyərləndirirəm - görəsi o qədər iş var ki. Sadəcə, planlar qurub, Allahı özümə güldürmək istəmirəm - məsləhət Onunkudur”…

Güclü yumor hissinə malikdir. Şən və gülərüzdür. Atmacaları ilə aranı qarışdırıb, müzakirə meydanına çevirməyi bacarır. Şəhər uşaqlarına məxsus jestləri var. Necə deyərlər, əsl centelemendir. Nəvaziş göstərməkdən zövq alır. Ana dilimizin məftunudur. Lazım gələrsə, onun uğrunda mücadiləyə girə bilər...

El arasında belə bir ifadə var- "Canlara dəyən adam." Bir sözlə, İlqar Əlfioğlu doğrudan da canalara dəyən adamdır və bu canlara dəyən qardaşımızın martın 26-cı günü 69 yaşı tamam olub keçir 70-ə...

Əzizim İlqar bəy, nədənsə 69 rəqəmini baş-ayaq rəqəmlərdən biri hesab etdiyim üçün, hətta öz ömrümdən də tez gəlib getməsini arzulayıram. İnşəallah 70 yaş öz gəlişiylə həyatına xoş xəbərlərlə gəlsin. Çox yaşa, firəvan yaşa!

Hörmətlə, Elman Eldaroğlu