Krokusda baş verən terror aktı qurbanlarının sayı ARTIB

“Crocus City Hall”da törədilən terror aktı nəticəsində ölənlərin sayı 372 nəfərə çatıb.

Bu barədə “112” Telegram kanalı mənbəyə istinadən məlumat yayıb.

Martın 27-də Moskva vilayətinin Səhiyyə Nazirliyi konsert zalında törədilən terror aktı qurbanlarının siyahısını yeniləyib. Bildirilir ki, 83 nəfər xəstəxanaya yerləşdirilib, 40 nəfər isə evə buraxılıb.

Bundan əvvəl “Crocus Group”un sahibi və prezidenti Araz Ağalarov və oğlu Emin 100 milyon rubl ayırıblar. 

Moskva yaxınlığında, Krasnoqorskda yerləşən "Crocus City Hall" ərazisində terror aktı martın 22-də axşam saatlarında baş verib. Müstəntiqlərin fikrincə, Piknik qrupunun çıxışından əvvəl avtomatlarla silahlanmış 4 nəfər ziyarətçilərə atəş açıb, daha sonra hücumu konsert məkanının daxilində davam etdirib.

Musiqili tədbirin keçirilməsi planlaşdırılan konsert zalının tamamilə yanması da daxil olmaqla, binada güclü yanğın da baş verib. İstintaq Komitəsinin məlumatına görə, cinayətkarlar bu məqsədlər üçün benzindən istifadə ediblər.

Martın 23-də səhər saatlarında Bryansk vilayətində terror aktında şübhəli bilinən 4 nəfər saxlanılıb. Martın 24-ü axşam saatlarında onlar tutularaq mayın 22-dək istintaq təcridxanasına göndərilib. Martın 25-də günorta saatlarında terror aktından sonra qaçmaq üçün istifadə edilən ağ rəngli “Renault” markalı avtomobilin satışı ilə bağlı iş üzrə daha üç müttəhim həbs edilib.