SUMQAYITDA QAFQAZ ƏVƏZ OĞLU DƏMİROVUN 70 İLLİK YUBİLEYİ QEYD EDİLDİ

Sumqayıt şəhərində Azərbaycan Jurnalistlər Birliyi Şərqi Zəngəzur Regional təşkilatının sədri, Qubadlı Rayon İcra Hakimiyyətinin mətbu orqanı olan “Bərgüşad” qəzetinin baş redaktoru, Süleyman Rəhimov adına Ədəbi-ictimai Birliyin rəhbəri, “Sözün sehri” qəzetinin təsisçisi, şair-publisist Qafqaz Əvəz oğlu Dəmirovun 70 illik yubileyi keçirildi.

Yubiley gecəsinin, tədbirin təşkilatçısı - Azərbaycan Jurnalistlər Birliyi Sumqayıt şəhər təşkilatının sədri, Respublikanın Əməkdar jurnalisti, tanınmış şair Rafiq Oday açaraq, tədbir iştirakşılarını salamlamış, Qafqaz Əvəzoğlunun həyat və yaradıcılığı haqqında geniş məlumat vermişdir.

Sonra tədbiri idarə etmək dəyərli söz adamı, şair-publisist Xaqani Abbasəli Öztürkə həvalə olunmuşdur.

Azərbaycan Jurnalistlər Birliyinin sədr müavini Şahin Babayev, Azərbaycan Yazıçılar Birliyinin Güney Azərbaycan bölməsinin rəhbəri, Birlik sədrinin müşaviri Sayman Aruz çıxış edərək yubiliyarı təbrik etmiş və təmsil etdikləri qurumların rəhbərliyi adından Qafqaz Əvəz oğlu Dəmirova diplom və fəxri fərman təqdim etmişlər.

Tədbirin boyu respublikanın Əməkdar jurnalisti Eyruz Məmmədov, Azərbaycan Jurnalistlər Birliyi Kəlbəcər bölməsinin sədri, tanınmış şair Namiq Dəlidağlı, respublikanın Əməkdar artistləri İzaməddin Bağırov və Nazir Rüstəm, Əməkdar mədəniyyət işçisi, tanınmış xalçaçı-rəssam Fazil Abbasquluzadə, şairlərdən Əvəz Mahmud Lələdağ, Asif Asiman, Firdovsi Cəfərxan, Xan Rəsuloğlu, İmadəddin Səlim, Mahir Sarıyev və digər qələm dostları çıxış edərək Qafqaz Əvəz oğlu Dəmirova sağlam can və yeni yaradıcılıq uğurları arzulamışlar.