Cəfər Cabbarlının anadan olmasının 125 illiyinə həsr olunmuş tədbir keçirildi
Cəfər Cabbarlı adına Azərbaycan Dövlət Teatr Muzeyində 19 aprel 2024-cü il tarixində Azərbaycan ədəbiyyatının görkəmli nümayəndələrindən biri, böyük şair, yazıçı və dramaturq Cəfər Cabbarlının anadan olmasının 125 illiyinə həsr olunmuş tədbir keçirildi. Tədbir Cəfər Cabbarlı adına Azərbaycan Dövlət Teatr Muzeyi və Cəfər Cabbarlının ev muzeyinin birgə təşkilatçılığı ilə baş tutdu.
Tədbiri muzeyin direktoru, Əməkdar mədəniyyət işçisi Sevinc Mikayılova giriş sözü ilə açaraq qonaqları salamladı və Cəfər Cabbarlının yaradıcılığından, onun Azərbaycan mədəniyyətinə xidmətlərindən danışdı. Ardınca Cəfər Cabbarlının həyat və yaradıcılığını əks etdirən, Teatr Muzeyinin fondunda qorunan materiallar əsasında hazırlanmış videoçarx nümayiş olundu. Daha sonra tədbiri davam etdirmək üçün söz muzeyin elmi kütləvi işlər şöbəsinin müdiri Ümidə Hacıyevaya verildi.
Tədbir çərçivəsində Cəfər Cabbarlı mükafatının komissiya üzvü, Xalq artisti Mərahim Fərzəlibəyov, AMEA Nizami Gəncəvi adına Ədəbiyyat İnstitutunun əməkdaşı, filologiya elmləri doktoru Tahirə Məmməd, AMEA Məhəmməd Füzuli adına Əlyazmalar İnstitutunun professoru, tarix elmləri doktoru Tahirə Həsənzadə, Azərbaycan Milli Konservatoriyasının dosenti, filologiya üzrə fəlsəfə doktoru Firudin Qurbansoy dramaturqun yaradıcılığı haqqında maraqlı məruzələrlə çıxış etdilər.
Daha sonra Azərbaycan Dövlət Akademik Milli Dram Teatrının aktrisası, Əməkdar artist Məsmə Ağaverdiyeva ədibin “Ey dan ulduzu”, Bakı Bələdiyyə Teatrının aktyoru Toğrul Rza isə “Məhkum Şərqə” və “Azərbaycan bayrağına” adlı şeirlərini səsləndirdi. Eyni zamanda qonaqlar Əməkdar artist Rəşad İlyasovun ifasında Cəfər Cabbarlının “Azad bir quşdum” mahnısını da dinlədilər.
Həmçinin tədbirdə onun əsərləri əsasında oynanılmış tamaşalardan fraqmentlər göstərildi və ədibin yaradıcılığını əks etdirən sərgi nümayiş olundu.
Sonda Cəfər Cabbarlının ev muzeyinin direktoru, ədibin nəvəsi Qəmər Seyfəddinqızı Teatr Muzeyinin rəhbərliyi və kollektivinə, həmçinin tədbirdə iştirak edən qonaqlara öz dərin minnətdarlığını bildirdi.
Tədbirin auditoriyası elm və sənət adamlarından, muzey əməkdaşlarından, media nümayəndələrindən ibarət idi.
Araz Məmmədov
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.