“Ulu Öndərin yolu ilə” könüllülər üçün liderlik kursuna start verilib

Azərbaycan Respublikası Gənclər Fondu, Azərbaycan Respublikasının Gənclər və İdman Nazirliyi, “ASAN xidmət”in dəstəyi və Azərbaycan Könüllü Təşkilatları İttifaqının (AKTİ) təşkilatçılığı ilə “Azərbaycan Könüllülük Həftəsi 2023” çərçivəsində könüllülər üçün baş tutacaq “Ulu Öndərin yolu ilə” adlı liderlik kursuna start verilib.  
Ümumilikdə 30 könüllünün iştirakı ilə İttifaqa üzv təşkilatların bilik və bacarıqlarının artırılmasına dəstək vermək üçün baş tutan kurs müddətində, könüllülərə peşəkar təlimçilər tərəfindən liderlik bacarıqlarının artırılması, şəxsi inkişaf və s. istiqamətləri əhatə edən təlim və görüşlər təşkil ediləcəyi qeyd edilib. “Təhsil və Elm” istiqaməti üzrə 4 günlük proqramı əhatə edən təlim kursu çərçivəsində müxtəlif istiqamətlər üzrə - düzgün danışıq, nitqi gözəlləşdirməyin əsas üsulları, bədən dili, bədən dilinin işarə dili ilə fərqi, ünsiyyət bacarıqlarının, liderlik bacarıqlarının formalaşdırılması, gələcək məqsədlərimizin doğru seçilməsi mövzularında təlimlər keçirilməsi nəzərdə tutulub. 
5-19 dekabr tarixlərini əhatə edən “Azərbaycan Könüllülük Həftəsi 2023” 2018-ci ildən etibarən hər il dekabr ayında bir-birindən fərqli layihə və tədbirlərlə könüllülərin görüşünə gəlir. 5 dekabr Beynəlxalq Könüllülər günündə başlayan Könüllülük Həftəsi, 2023-cü ildə Ulu Öndər Heydər Əliyevin müasir gəncliyin rəhbər tutduğu müdrik tövsiyələrinə əsaslanır.