Razqradda sərinləşdirici qol yağışı 

"Qarabağ" səfərdə "Ludoqorets"i darmadağın edib 

Dünən Azərbaycan çempionu "Qarabağ" klubunun da mübarizə apardığı futbol üzrə UEFA Çempionlar liqasının üçüncü təsnifat mərhələsində cavab oyunları keçirilib. "Qarabağ" Bolqarıstanın Razqrad şəhərində yerli "Ludoqorets" klubunun qonağı olub. Qeyd edək ki, bir həftə öncə Bakıda keçirilən ilk oyunda məğlub (1:2) olan "Qarabağ" klubu səfərdə keçirdiyi cavab matçında rəqibini darmadağın hesabla məqlub edib. Razqarddaki "Hyuvefarma Arena"da baş tutan və taleyi italiyalı referi Simone Sozzaaya tapşırılan oyunda "Qarabağ" meydan sahibini beş top fərqi ilə məğlub edib - 2:7. İki oyunun ümumi nəticəsinə (8:4) görə, "Qarabağ" mərhələni uğurla keçərək adını pley-offa yazdırıb. 

Oyunun gedişiatina gəlincə, matçın 7-ci dəqiqəsində Juninyo dəqiq zərbə ilə hesabı açaraq "Qarabağ" klubunu hesabda irəli çıxarıb - 0:1 (ümumu hesab 2:2 olub). "Qarabağ"in qol sevinci çox çəkməyib. 13-cü dəqiqədə Dua dəqiq baş zərbəsi ilə Razqardda pozulmuş statusu bərpa etməklə (1:1) komandasını yenidən ümumi hesabda irəli çıxarıb (3:2). Matçın 23-cu dəqiqəsində isə Dua penaltı zərbəsi ilə dubl edib və hesabı 2:1-ə (ümumu hesab 4:2) çatdırıb. Bundan sonra "Qarabağ"ın çətin işi daha da çətinləşib. Lakin ilk yarının sonlarında "Qarabağ" 45+1 dəqiqədə Yassın Benziyanin, 45+5-de isə Patrik Andradenin vurduğu qollarla həm Razqardda hesabda irəli çıxıb (2:3), həm də ümumi hesabı bərabərləşdirib - 4:4.

İkinci hissədə qapılara qol vurulmayıb. Nəticədə qalibi aşkar etmək üçün komandalar mübarizəni əlavə vaxtda davam etdiriblər. Hər şey də elə nəfəsləri kəsən bu əlavə vaxtda baş verib. 

93-cu dəqiqədə Toral Bayramov rəqib qapısına baxımlı bir qol vurmaqla Razqardda hesabı 4:2-yə, ümumi hesabı isə 5:4-ə çatdırıb. Bu qol tarıma çəkilən əsəblərimizi bir qədər sakitləşdirib. Bunun ardından Redon Cica 110-cu dəqiqədə vurduğu qolla Razqarddaki hesabı 5:2-yə çatdırıb. Bu qol sanki "Qarabağ" azarkeşləri üçün bir növ sərinləndirici rolunu oynayıb. "Köhlən atlar" bunun ardından daha iki sərinləndirici qol vurmaqla darmadağın hesablı qələbəyə nail olub. 112-ci dəqiqədə Patrik Andrade dubl etməklə hesabı 6:2-yə (ümumi hesab 7:4), 118-ci dəqiqədə isə Yassın öz dublu sayəsində hesabı 7:2-yə (ümumi hesab 8:4) çatdırıb.

Bununla da, bir həftə öncə doğma divarlar arasında "Ludoqorts"ə 1:2 hesabla məğlub olan "Qarabağ" səfər matçında rəqibin qapısından 7 qol keçirməklə adını turnirin pley-off mərhələsinə yazdirmaqla istəyinə nail olub. 

Qeyd edək ki, "Qarabağ" pley-offda Zaqrebin (Xorvatiya) "Dinamo" klubu ilə qarşılaşacaq.

İNTİQAM Məmmədov