Cavadxan Qasımov:

NDU-da Beynəlxalq Konfrans 

15 noyabr tarixində Naxçıvan Dövlət Universitetinin Magistratura və Doktorantura Mərkəzinin akt zalında Ümummilli lider Heydər Əliyevin anadan olmasının 100 illik yubileyinə həsr olunan "Texnopark mühitində təhsilin idarə olunması: yeni imkanlar və alternativlik" mövzusunda Beynəlxalq Konfrans keçirilmişdir.

Yeni iqtisadi inkişaf mərhələsində ölkəmizdə milli iqtisadiyyat üzrə uzunmüddətli perspektivlərin müəyyən olunmasında texnoloji təsisatların yaradılması müqavimətli iqtisadiyyatın təşəkkülünü təmin etməkdədir ki, bu da, bütün tərəflərinə görə özünün aktuallığı ilə seçilməkdədir.

Dövlətimizin gündəlik qayğı və diqqətini özündə əks etdirmiş olan bu proseslər, Naxçıvan Dövlət Universitetinin elm və tədris proseslərinin vəhdətindən ibarət olan tədbirlərində və layihələrində də görünməkdədir. Bu mənada, texnologiyaya istinad edən iqtisadi inkişaf, həm alternativ imkanların genişlənməsində, həm müqavimətli iqtisadiyyatın bərqərar olunmasında, həm də, etibarlı tədris proseslərinin yaradılmasında mühüm nəticələrinə görə seçilməkdədir.

Bu gün ölkəmizin iqtisadi rayonları üzrə əsnayeləşmə siyasətinin həyata keçirilməsi, xüsusilə də, yeddi Sənaye Parkının və beş Sənaye Məhəlləsinin yaradılması sahəsində dövlət siyasətinin həyata keçirilməsi, regional və milli iqtisadiyyatlar üzrə potensialın da artırılmasına öz töhvələrini verməkdədir.

Bu mənada, Naxçıvan Dövlət Universitetinin iki hektarlıq ərazisində Texnologiyalar Parkının tikintisi işlərinin uğurla aparılması dövlətimizin bu istiqamət üzrə tədbirlərinin olduqca mühüm ifadəsini təşkil etməkdədir. Təbii olaraq, bu, qarşıdakı tədris illərində universitetimizin elm və tədris sahəsindəki nəticələrinə etibarlılıq gətirmiş olacaqdır. Məhz Beynəlxalq Konfransın gedişində çıxış edən dəyərli elm adamları bu sahədəki davamlı və ardıcıl nailiyyətlərdən söz açmış və Texnopark mühitində təhsilin idarə olunmasının yeni imkanlar və alternativlik baxımından əhəmiyyətini qeyd etmişlər.

Konfransa Türkiyə Respublikasının Turizm və Mədəni̇yyət Nazirliyinin əməkdaşı, dəyərli dostlarımız Zəkəriyyə Bingül və İstanbul Bilkənd Universitetinin (Türkiyə) əməkdaşı, dosent Ebru Bağcı onlayn qoşularaq texnoparklar sahəsindəki təcrübələrini konfrans iştirakçıları ilə bölüşüblər. Konfransda iştirak və çıxış edənlərin hər birinə dərin minnətdarlıq edirik.

Xeyirli olsun.