Elçin Səlimli: 

MAQSUDUM

Əziz dostlar . Yağışlı , küləkli bu PAYIZ günlərində özünüzü necə hiss edirsiniz? Açığını deyim ki , mən heç də özümü yaxşı hiss etmirəm . Son günlər baş verən hadisələr əhvalımı elə korlayıb ki , istər-istəməz düşünməli olursan . Olub keçənləri analiz etdikcə darıxırsan . Beynində çoxlu suallar yaranır və bərk yorulursan . Bu vəziyyətdən çıxmaq üçün nə edəsən ki , əhvalın bərpa olsun . Sizi bilmirəm , mən adətən belə hallarda təmiz hava almaq məqsədi ilə təbiətə üz tutur və gəzintiyə çıxıram . Çünki təbiət qoynunda və açıq havada olmaq əsəbləri sakitləşdirir , az da olsa əhvalını düzəltmiş olur . Nə isə ...

İndi isə diqqətinizə başqa bir məsələni çatdırıram . Şəkildə gördüyünüz dörd yaşlı bu qəşəng oğlan dostumun ilk övladı və oğludur .

Adı Maqsuddur . Dediyim kimi bu yaxınlarda o , özünün ad gününü və dörd yaşını qeyd etmişdir . Atası Asim bəy mənim dostum həm də , iş yoldaşımdır . Ad günü tortundan bizə də gətirmişdi . Bizdə onu elə onda təbrik etmişdik .

Mən isə söz vermişdim ki , Maqsudun haqqında bir yazı hazırlayıb , onu bir daha təbrik edəcəyəm . Amma çox təəssüflər olsun ki , mən bunu vaxtında edə bilmədim . Səbəbini isə yuxarıda sizlərin diqqətinə çatdırdım . Olsun .

Vaxt hələ çox keçməyib , çox da gec deyil .

Bu fikir hələ də qüvvəsində qalır və təbrik etmək də olar . Və mən də belə qərara gəldim ki , bu qəşəng oğlanı , yəni bizim Maqsud bəyi ad günü münasibəti ilə bir daha ürəkdən təbrik edim , ona ən xoş arzularımı bildirim . Həmçinin onun sağlam və gümrah böyüməsini UCA YARADANDAN arzu edim .

Yazımın sonunda bu igid oğlanı ad günü münasibəti ilə ürəkdən təbrik edirəm və ona həsr elədiyim bu şeiri də diqqətlərinizə çatdırıram .

MAQSUDUM .

Sən illərim , ayımsan ,

Mənim ömür payımsan ,

Sən dövlətim ,varımsan ,

Maqsudum , ay Maqsudum .

Göz bəbəyim , nurumsan ,

Ayımsan , ulduzumsan ,

Dincliyim , hüzurumsan ,

Maqsudum , ay Maqsudum .

Dünyaya xoş gəlmisən ,

Düşmən gözün dəlmisən ,

Vətənimsən , elimsən ,

Maqsudum , ay Maqsudum .

Sən vüqarım , dağımsan ,

Gülüstanım , bağımsan ,

Nə yaxşı ki , varımsan ,

Maqsudum , ay Maqsudum .

Sağlam böyü , gümrah ol !

Sevil , qəlbdən-qəlbə dol !

Ömrün uzun , həm də bol !

Maqsudum , ay Maqsudum !

Elçin Səlimli .

17.10.2024-----28 . 10 . 2024 .