"XƏYALLARIMIZDA QALAN NAĞILLAR” adlı respublika uşaq yaradıcılıq müsabiqəsinin yekun sərgiləri açıldı

Azərbaycan Respublikası Mədəniyyət Nazirliyi, Azərbaycan Respublikası Elm və Təhsil Nazirliyi, Azərbaycan Televiziya və Radio Verilişləri Qapalı Səhmdar Cəmiyyəti, Xətai Rayon İcra Hakimiyyəti,Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Heydər Əliyev ili” çərçivəsində uşaqlarda vətənpərvərlik duyğularının güclənməsinə, estetik zövqün, mənəvi tərbiyəninn formalaşmasına, milli- mənəvi sərvətimizdən olan nağıllarımızın yaşadılmasına xidmət məqsədi ilə “Xəyallarımızda qalan nağıllar” adlı respublika uşaq yaradıcılıq müsabiqəsinin yekun sərgiləri

19 ,20,21,22 dekabr 2023-cü il tarixlərində növbəli şəkildə Xətai Sənət Mərkəzində açıldı.

Sərgilərdə Azərbaycan Rəssamlar İttifaqının sədr mavini Ağəli İbrahimov, Xətai Sənət Mərkəzinin direktoru Zahid Əvəzov , Xətai Rayon İcra Hakimiyyəti İctimai-siyasi və humanitar məsələlər şöbəsi Turan Cəfərova, Azərbaycan Dövlət Rəsm Qalereyası sərgi və ekspozisiyalar şöbəsinin müdüri Elçin Hüseyn , Azərbəycan Rəssamlıq Akademiyasının dosenti Mənsur Cəfərov,rəssam Akif Yarışov, 2 saylı İncəsənət Məktəbinin müəllimi İlham İsmayılov, rəssam Gündüz Həbibov öz ürək sözlərini sərgi iştirakçıları ilə bölüşdülər.

Tədbirdə həmçinin yazıçı İlhamə Kədər qələmə aldığı “Ay-ulduz” nağıl kitabından hər sərgidə bir neçəsini sərgi iştirakçılarına təqdim etdi .

Nəzərinizə çatdıraq ki,mövzusu nağıl personajları və nağıl səhnələri olan müsabiqəyə respublikamızın müxtəlif guşələrindən 18 yaşa qədər yaradıcılıq qabiliyyəti olan 1500-ə qədər uşaq və yeniyetmə 1800-dən çox əsər göndərmiş və 600-dən bir qədər çox əsər sərgiləndi.

Əsəri sərgidə nümayiş olunan müəlliflər sertifikatla və fəal tədris mərkəzləri (dərnək, incəsənət məktəbi və s.)təşəkkürnamə ilə təltif olundular.

Tədbirin uşaqlarda vətənpərvərlik duyğularının güclənməsinə, estetik zövqün, mənəvi tərbiyəninn formalaşmasına, milli - mənəvi sərvətimizdən olan nağıllarımızın unudulmamasına və yaşamasına xidmət edəcəyinə inanırıq.

Mahir Əhmədov