Aynur Xalilova:

Günümüzün problemləri göstərilir. Serial kimi keyfiyyətdə də irəliləyiş var. Yaradıcı heyəti təbrik edirəm.

 

Теране Нури:

Nəhayət ki bu film haqqında tam dolğun,ziyalı sözü esitdik Samil müəllim,mən də bu filmi cox bəyənirəm.Gənc nəslin də diqqətini cəkib.Yuxari sinif sagirdləri ilə muzakirə etməyə gözəl movzudur .

Hikmət Həsənov:

məncə yaradıcı heyət tənqidlərə fikir verməməlidir. Bar verən ağaca daş atan çox olar. İşlərində ancaq irəli və irəli

Natiq Axundov:

Azərbaycanın müasir film tarixinə qızıl hərflərlə yazılacaq bir serialdır. İctimai TV-nin əməyi keçən bütün əməkdaşlarına dərin təşəkkürlər...

Mayis Arifoqlu:

Məndə bir təhsil işçisi,kinoya marağı olan bir vətəndaş kimi çox bəyənirəm və alqışlayıram.Bölgələrimizdə ki,təhsilimizin bütün çılpaqlıqlarını,yaltaq,qorxaq,kimlərdənsə aslı məmur obrazlarını,idarəçiliyini itirmiş bir yararsız,tərbiyyəsiz məktəb direktoru simasını aşkar şəkildə ekranlaşdırıblar.Bütün heyyətə təşəkkür edirəm

Kemale Mikayilzade:

Guya heç kim pis söz eşitməyib. Müğənnilərimizə efirlərdə bu filmdəkindən artıq suallar verilir və müğənnilərimiz tərəfindən cəmiyyətdəki gənclərimizə yararsız həyat tərzi reklam olunur

Kanan Hacı:

Fikirlərinizlə tam razıyam. Bu film sənət kriteriyaları baxımından da son dərəcə mükəmməldir! Çox ciddi mesajlar var. Bütün yaradıcı heyəti təbrik edirəm!

QEYD. Başlıqlar "Facebook" sosial şəbəkəsindəki başlıqla eynilik təşkil edir.

Şəmil Sadiq: 

“Vətəndaş A” – Azərbaycan serial tarixində və müəllimlik sənətində yeni era!

Vətəndaş A serialını rəsmi və qeyri-rəsmi tənqid edənlər var. Sözsüz ki, bunu məqsədli hesab edirəm. Məhz bu seriala görə İTV rəhbərliyinə, filmin ssenari müəllifinə, rejissoruna, ümumiyyətlə, heyətinə böyük təşəkkür düşür. Mənə görə Azərbaycan serial istehsalı tarixində bir dönüş nöqtəsi hesab etmək olar. Həm texniki, həm mövzu, həm də aktyor işi baxımından xeyli irəliləyiş var. Filmin texniki, aktyor işi və sairə məsələləri qoy kinoşünaslar qiymətləndirsin, amma məni düşündürəm mövzu və ona yeni yanaşmadır.

Film Cəfər Cabbarlının “Almaz” pyesi əsasında müasir tələblərə uyğunlaşırılaraq çəkilib.

Filmdə günümüzün reallıqları o qədər incəliklə və sevgi ilə yaradılıb ki, əmin olursan ki, film heyəti Azərbaycan sevgisi ilə alışıb yanır.

Rüşvətxor, yaltaq məmur, bunun qarşısında əzilən və alçaldılan cəmiyyət, 21-ci əsr olmasına baxmayaraq, geridə qalmış təfəkkür, avamlıq, qorxaqlıq çox qəşəng ifadə edilib və ikrah doğura bilir insanda. Həmçinin günümüz məktəblərindəki durum, ucqar köndlərimizdə təhsilin vəziyyətin açıq və çılpaq “tərənnümü” möhtəşəmdir!

Bütün bunlar böyük cəsarət tələb edir ki, bu mesajı da film çox rahat verə bilib.

Müəllim obrazı da yüksək səviyyədə işlənib. Kimlərəsə görə dikbaş, qıcıq doğuran, özündən razı, replikalarından geri qalmayan, hər şeyə etirazçı olan bir obrazdır və bəzən bunu günümüzün müəllim obrazına yaraşıdırmırlar. Qətiyyən razı deyiləm, bütün işini gücünü atıb, şəhərin konfortuna yox deyən, ziyalı və intellektual müəllim ucqar bir kəndə maarifçilik dalınca gedirsə, elə belə də olmalı idi. Bu bizim təfəkkürümüzdə formalaşan qorxaq, ürkək, ehtiyacdan boynubükük gəzən, yalançı mütəvazikar müəllim kompleksini darmadağın edir, yeni: etirazçı, cəsarətli, qorxmaz, eqoist, mübariz müəllim obrazı yaradır. Və əminəm ki, məhz bu obrazdan çoxlu müəllimimiz ilham olacaq. Ona qarşı duran cəmiyyətlə döyüşməkdən qorxmayacaq, mübarizəsindən əl çəkməyəcəkdir. Ən önəmlisi isə qadın obrazı olması və bunu bir qadın kimi aparmasıdır. Bizim Cəbiş müəllim obrazından fərli olaraq yeni müəllim orbazı yaradır. Hə, bəzilərinin xoşuna həm də müəllimin inancı gəlmir deyəsən. Halbuki bu cür xarakterlərə məxsus şəxslər gavurun cibini bol edən hacılara qarşı da böyük bir nümunədir. YEni ideallar açır, qanı yeniləyir. Hələ ki, filmin beş seriyasına baxmışam və baxımlılıq baxımından çox bəyənirəm. O cür cəmiyyətə qarşı elə bu cür müəllim lazımdır ki, prosesi dəyişsin, təsir edə bilsin! Həm də ona görə bəyəndim ki, axır ki, özündənrazı müəllimimiz də oldu).

Bura qədərki fikrimdə deyə bilərəm ki, film həm də “Ölülər” əsərini də xatırladır, sadəcə müəllim obrazı İskəndərdən fərqli olaraq cəmiyyətin taleyi ilə razılaşmır və döyüşür. Digər obrazlarda işıq demək olar ki, yoxdur. Qonşu- şorgöz şair, iş adamı - fırıldaqçı Hacı, bələdiyyə sədri və direktor - qorxaq rüşvətxor, digərləri isə elə Məşədi Cəfər kimi məzlumlar…

İTV- ni və bütün yaradıcı heyəti təbrik edirəm!